Каза

Каза.

1. Казаў бацька: "Казу дам
   І з маленькім казляням".
   Ой, ну ды, ой ну -
   І з маленькім казляням.

2. А козачка шэрая
   Па гародзе бегала.
   Ой, ну ды, ой ну -
   Па гародзе бегала.

3. Аб'елася лебяды,
   Не трапіла да вады.
   Ой, ну ды, ой ну -
   Не трапіла да вады.

4. Мяне дома не было
   І козачку раздуло.
   Ой, ну ды, ой ну -
   І козачку раздуло.

5. Трэба лекаў пашукаць, 
   Каб козачку ратаваць.
   Ой, ну ды, ой ну -
   Каб козачку ратаваць.

6. Ды мінулася бяда
   Памагла казе вада.
   Ой, ну ды, ой ну -
   Памагла казе вада.