Каляда

Звоняць бомы, едуць сані
Па святочнай белізне.
Мы не знаем нават самі:
Ці на яве, ці у сне?..

Глуха вые завіруха,
Замятаючы сляды.
Сагравае маладуху
Пацалункам малады.

 -Каляда, каляда! - весяліцца грамада,
Каляда, каляда, нават холад - не бяда.

Хай ляцяць, як птушкі, коні
За бялюткі далягляд,
І наўкол світаюць гоні,
Асвятляючы пагляд.

І няхай зіма лютуе
Завірухай да нябёс -
Каляда накалядуе
Нам усім жаданы лёс.

 -Каляда, каляда! - весяліцца грамада,
Каляда, каляда, нават холад - не бяда.

Проигрыш

 -Каляда, каляда! - весяліцца грамада,
Каляда, каляда, нават холад - не бяда.